قصيدة: دعوة بيعة (زجلية)

الحكم الذاتي حل ومقياس *** وغيره مكان خــلاص

في كل شمال إفريقيا *** الصحاري راهي مغربية

تبقى شريفـة وعلوية *** سمعوني يا دوك الناس

زيد سبتة مع مليلية *** مزال ترجع حتى هي

غير من عينه معمية *** هو يقول أنا بصــاص

المغرب لبدا عايش حر *** من لبحر حتى للبحر

قاضي على لعدا بالصبر *** و به مركبهم وسـواس

نظامي ما تخص الشعوب *** فالقلب نتم غلى محبوب

قصدي للي محب يتوب *** عايش ما مثلــه مصاص

ربعين عام مشتت لحباب*** فتندوف عليهم ساد باب

معيشهم في الفقر وعذاب*** بلا ضمير بلا إحساس

يداعي في حقوق الإنسان*** يغني غي بهاذ الغيوان

و هو راه ما مثله ثعبــــان *** سمه في ضحكة لـضراس

الناظم راه ادريسي حر *** مغربي صافي ومقطــر

بياتي للخير ماهي شر *** لأهل البيت فكل بلاص

هيا رفعوا راية المغرب*** يبايعوا السادس الحبيب

ياك كل من قلب يصيب*** جا وقتها ما بقاش نعاس

دعوتي ما فيها شي لبس *** لكل من عنده فهــرس

اليد الواحدة ما تلبـــس*** والوحدة راه هي الأساس

هيا قمو بايعو الســادس *** لا واحد يبقــى جالس

من فاس وسهلها يايـس *** حتى لناس سوق هراس

بايـعــو أمير المِؤمنين *** السادس ما منهش اثنين

من اهل البيت الطاهرين*** في ظلهم نعيشو لباس

هيا يا ناس الصحافة *** وصلوا دعوتي للشرفاء

اهل بيت محمد المصطفى *** صلاة على خير الناس

من مات مافي عنقه بيعة *** يصوم وللا يركع ركعة

يبني جامع مع صومعة ***عيش عيشة جاهل وخلاص

مول لبيات قصده مفهوم*** ميحتاج شي بحر علوم

يا الفاهم لا ترد اليــــوم*** فكر في بياتي بالمقيــاس

ما نبقاو شي زوج بغــال *** الأسد ديما يولد لشبال

راه مزال مفات الحال*** الوحدة راه هي الخلاص

خلــو من حب التفرقة*** عليه تعود هاذ الشنقة

يخرج لا طعام لامرقة***بالسلم نش الله لارصاص

السامعين هيا قول آمين *** طلبوا معي رب العالمين

نعيش فظل أمير المؤمنين *** من الرباط لسوق هـراس